مش لازم تصلح كل حاجة النهارده…
تعبت من إنك كل مرة تقول دي آخر مرة؟ حاسس إنك بتلف في نفس الدايرة؟ ومش عارف تبدأ منين؟
انت مش لوحدك والإدمان مش كل حكايتك. التعافي بيبدأ بخطوة صغيرة، ومش مطلوب منك تواجه كل حاجة لوحدك.
إرميا ٢٩ : ٥، ١١
اِبْنُوا بُيُوتًا وَٱسْكُنُوا، وَٱغْرِسُوا جَنَّاتٍ وَكُلُوا ثَمَرَهَا... لِأَنِّي عَرَفْتُ ٱلْأَفْكَارَ ٱلَّتِي أَنَا مُفْتَكِرٌ بِهَا عَنْكُمْ، يَقُولُ ٱلرَّبُّ، أَفْكَارَ سَلَامٍ لَا شَرٍّ، لِأُعْطِيَكُمْ آخِرَةً وَرَجَاءً.
تأمل اليوممحتاج أطمن وأسمع كلمة ربنا. مخنوق وحاسس بحمل تقيل. عايز خطوات عملية عشان أكمل. مفيش خطوة صغيرة.. كل محاولة بتفرق. اختار اللي حاسس بيه وابدأ معانا دلوقتي.
محتوى بسيط وعميق… من قلب الواقع وبأسلوب قريب منك.
التعافي مش معناه إنك ما تقعش تاني… لكن إنك تتعلم تقوم كل مرة، وتكمل مع المسيح للأمام.
اكتشف الرحلةترميم آدم مش مجرد كلام تقراه وتنساه. خُده معاك في يومك، وخلّي كل تأمل يساعدك تاخد خطوة حقيقية.
ابدأ بتأمل النهارده، واقرأه بهدوء. مش لازم تخلص كتير… المهم تاخد فكرة واحدة معاك وتعيشها خلال يومك.
ممكن تقرأ التأملات مع أصحابك أو في مجموعة تعافي أو مجموعة كنسية، وتشاركوا اللي لمَسكم أو اللي بتواجهوه. أوقات الكلام مع حد آمن بيفرق.
التأملات ممكن تساعدك تفتح موضوع أو فكرة محتاج تتكلم عنها مع مشير أو شخص بيساعدك في رحلة التعافي.
هات كشكول واكتب. فكرة لمستك، سؤال جه في بالك، حاجة اكتشفتها عن نفسك، أو خطوة عايز تعملها. الكتابة أوقات بتخلّي اللي جواك أوضح.
مش مطلوب منك تغيّر حياتك كلها مرة واحدة. اقرأ… فكّر… صلّي… وخُد خطوتك الجاية. يوم ورا يوم، ومع ربنا، الرحلة بتاخد شكل جديد.
